حضرت خواجه غلام فريد (ڪتاب): هيءُ ڪتاب صوفي بزرگ ۽ شاعر خواجه غلام فريد جي سوانح حيات ۽ سندس چونڊ ڪلام تي مشتمل آهي، جنهن کي ليکڪ عبدالجبار ’عبد‘ سهيڙيِ ڪتابي شڪل ڏني آهي، ڪتاب منظور بوڪ اسٽور، شڪارپور پاران سن 1997ع ۾ شايع ٿيو آهي. ڪتاب جي ڇپائي ڪتابت جي صورت ۾ ٿيل آهي، جنهن جو ڪاتب عبداللطيف ڀٽو آهي. ڪتاب جي ٽائيٽل تي غلام فريد رح جي مزار جي رنگين تصوير ڏنل آهي. پڪي پاٺي واري جلد ۾ 128 صفحن تي مشتمل هن ڪرائون سائيز جي ڪتاب جي قيمت 25 روپيا آهي.